СУДЛАР ТОМОНИДАН 2022 ЙИЛДА КЎРИБ ЧИҚИЛГАН ИҚТИСОДИЙ ИШЛАР ЮЗАСИДАН АХБОРОТ

2022 йил давомида судлар томонидан биринчи инстанцияда 277 865 та иқтисодий иш кўриб чиқилиб, ҳал этилди. Шундан даъвогарлар фойдасига 16,2 трлн. сўм ундириш ҳақида суд қарорлари қабул қилинган.

Ўтган даврда энг кўп иқтисодий ишлар Тошкент шаҳар, Тошкент, Қашқадарё, Фарғона, Самарқанд ва Наманган вилоятлари иқтисодий судлари томонидан кўриб, ҳал этилган.
Иқтисодий судлар томонидан ҳал этилган ишларнинг 4 525 таси видеоконференцалоқа режимида кўриб чиқилган бўлиб, натижада тарафларнинг 3,2 млрд. сўмдан ортиқ маблағлари тежаб қолинди.

Кичик бизнес ва хусусий тадбиркорлик субъектларини ҳуқуқий ҳимоя қилишга оид 55 882 та иқтисодий иш кўриб чиқилди ҳамда улар фойдасига 4,5 трлн. сўм миқдорида маблағ ундириб берилди.

Ҳисобот даврида иқтисодий судларда кўрилган ишларнинг асосий қисмини банклардаги ҳисобварақлар бўйича операцияларни тўхтатиб туриш, корхоналарнинг банкротлигига оид ишлар ҳамда маҳсулот етказиб бериш, кредит, контрактация, коммунал хизмат кўрсатиш шартномаларидан келиб чиқадиган низолар ташкил этди.

Апелляция тартибида 6 706 та иқтисодий иш кўриб чиқилди. Қуйи судлар томонидан чиқарилган 1 093 та қарор бекор қилиниб, 602 та суд қарори ўзгартирилди.

Ўзбекистон Республикаси Олий суди иқтисодий ишлар бўйича судлов ҳайъати томонидан кассация тартибида 1 474 та иқтисодий иш кўриб чиқилди. Қуйи судлар томонидан чиқарилган 465 та қарор бекор қилиниб, 62 та суд қарори ўзгартирилди.

Шунингдек, кассация инстанциясида 56 та иқтисодий иш такроран кўриб чиқилди. 46 та қарор бекор қилиниб, 6 та қарор ўзгартирилди.

 

 

Ўзбекистон Республикаси Олий суди

 Жамоатчилик ва оммавий ахборот воситалари

билан алоқалар бошқармаси

Spelling error report

The following text will be sent to our editors: